一件TF玩具的一生 (出廠記) Part 1

我係一件接近個個TF迷都想擁有的TF玩具,但唔係個個都'咁有心有力去的我返屋企架。一D就話屋企無地方,一D就話無'咁多錢,仲有D話一定要係MISB先買我。我係邊個? 我咪係福特巨人囉!! 聽D人講我地玩具就多喇,想唔想聽下我地講自己講自己呢?以下就係我大半生的故事……………

“啪”一聲,我突然間有左知覺,我發覺我o響個工人的手上面,佢用支”花洒”響我塊面上噴來噴去,之後佢就好順手甘將我丟落個桶道,我就咁又失去知覺喇…一輪天旋地轉後,我終於可以自由活動喇(我講的係我D眼耳口鼻,唔係全身關節,我地企到響到都唔差架喇,不過我D關節只可以向前向後就遜色左少少)。 環顧四周我發覺有好多一模一樣的玩具響我身邊,佢地用D好奇怪的眼神互相對望(當然有我份),好似大家都唔識大家咁,忽然有一隻同佢地一模一樣的玩具好大聲咁話: “歡迎各位兄弟,o離道係貨倉,我係福特167,係這條福特生產線第167件細福頭,我地係Takara/ Hasbro公司的新產品”福特巨人”其中一件parts(個細頭)。大家唔洗驚,我地全部都一模一樣架喇,最多係D工人手工差D,所以噴油噴出左少少界(唔驚就假喇,四圍都係自己仲要係你唔識我,我又唔識你….)” 之後佢就一輪嘴咁講左一大堆唔知係乜的詞語出黎,咩工廠,咩倉,咩大福頭(我地唔係福頭咩?),咩包裝,總之就唔知係乜。最後佢就續個比名我地..而我就係福特10546勒。

之後響個貨倉道過左一兩日,日日都有D新的細福頭加入,福特這個名去到成幾萬……而且個個都一模一樣!!!!!!實在分唔清邊個打邊個(當然唔只我分唔到,連167自己都分唔到)。果幾日你都咪話唔無聊啊,個倉又細,我地又多….具,唔好話走來走去,就算係轉一轉身都唔容易,而且周圍又漆黑一片(加上我地D關節只可以向前向後),唯一可以做的就係同隔離談天,所以講來講去都係同響我身邊的16547同3466講,佢兩個係就係煩D(我同佢地一樣知咁多,佢地仲不停咁問,仲問黎問去都係”幾時走得” ”出面個世界係點”果幾個我都唔知答案的問題,我想我答左超過100次”唔知”但佢地仲繼續問…..),不過我地結果都就做左好朋友。

(下一頁)