今期介紹既係新既Cybertron 系列 狂派巨人星戰士Menasor!!! 因為佢得美版有出所以買左美版。睇落Packing真係無日版咁吸引....好彩鐵線都唔算好多。

開左盒先發現佢原來有兩個車mode(其實叫唔叫車好呢?!)......一個夾埋隻mini con響個車頭度(右圖)、一隻唔夾(左圖),筆者個人認為....唔夾mini-con個樣好似好DD,配件少到呢....得隻mini-con同一條key咁大把.....

呢個係筆者發現既半機械人mode....似唔似鐵甲威龍隻機械怪獸? 不過筆者朋友話佢似高達果隻鑽地怪喎.......

佢既機械人mode真係好得下,明顯係一個倒三角大隻佬!!身型線條真係一流,對手雖然唔係拳頭但勝個夠大夠殺(似二刀流)!! 佢對腳板係筆者最欣賞既!!做型一流,唔會好似其他TF咁腳板唔似腳板。有花紋有雕過野落去。

面相筆者覺得非常可以!!!只可以用"有型"黎形容^^
順帶一提,同好多cybertron系列一樣,佢係用左有色透明膠做頭內部件!!當有光特落後腦度位既時候,佢對眼就好似識發光咁!!

講開機關就先講下右手!佢右手係一個鑽?一個鉗? 如果插隻mini con落去向前推,鉗既兩則就會彈出黎!個鑽仲會伸長出黎!!!

左手係另一個鑽!!內置燈膽一個…當插左power key之後會發光(紅光only)同有聲(不過我聽唔出係咩聲!!) 另外個鑽仲有乾坤!!, 手既上下名有一個齒輪外露, 轉動佢既時候個鑽頭都會轉ga^^ 變車mode推既時候下面個齒輪因為接觸到地面所以佢可以一路行個鑽咀一路鑽。

雖然佢對手好玩不過唔及得一個可以打開既心口,仲可以放佢隻mini con入去咁正!!!實行黎個兄弟齊心其利斷金!!!!
Menasor: 我同我兄弟係唔係好夾呢隻色 HAHAHAHA~

至於佢隻mini con 都算睇得出係一架剷泥車, 雖然玩就一般,但都叫幾有型。


佢既可動力響TF黎講真係極之好,對手點玩都得之餘,對腳一樣靈活、舉手、橫斬、直斬、前刺一律無問題,唯一係條腰唔轉得同個頭望唔到上下。

"依"字馬係完全難唔到佢之餘.....連一般TF做唔到既"起飛腳" 對佢黎講都係無難度!!! Menasor自己仲話狂派人工唔好 TF連邊無咩野出 無咩show出無錢喎, 問緊可唔可以過 Mattel 做機械 HE-Man 喎 (睇佢舉手舉得幾高喎......) 結果孩仔高層判罰佢坐無影chair..........但佢都話no problem!!!!


仲有個背脊一樣有設計過ga…有前有後…順便講講一般唔鐘意上色既美版都特登響佢兩個鑽頭度同隻mini con上左D銀色, 都算係比到D作業工程車既感覺。不過筆者係唔明佢果舊透明綠要黎做咩???

總結而言Menasor 真係一件非常之正既變形金剛,配色似樣,有發聲又有發光,可動性又強,做型又靚,真係非常值得玩, 唯一係變件車唔車怪獸唔怪獸既野比較…但筆者覺得ok, 隻mini con徐可以插響身上 仲可以成隻收入個心口果度好玩,。雖然佢係全膠但設計真係比到人龐大既感覺。 筆者就係因為佢開始左"新世代狂派"既想法!! 希望好快就可以同大家分享其他狂派啦!
文 & 圖:Megatron


其他TF玩具目錄


回主頁