派別：博派

玩具系列： Mega S.C.F.

飛彈發射：沒有

訂價：1980日圓

出產年份：2002

出現於動畫： G1

外形特點：
一隻超大個頭的薯仔,完全無SFC(旦)柯柏文的卡通大佬feel,不過好有帝王之相(手長過膝真係嚇死人),圓渾的頭部"凸"出柯柏文的面部,仲有其大的手掌和拳頭,配合強大的手臂和細少的膊頭,完全可以估到點解響 Beast Wars 度佢變左隻猩猩.....最緊要係果對可以自由前後的手肘,完全超乎哂人類的極限(前後180度活動),加上關節太大做成手部完全分成兩節.......大大加強令人唔買的決心。
評分:F

上色：
隻隻都有唔同特點,簡直同手油一樣,筆者同幾個friend看左幾隻,不論金屬色定原色都有唔同的問題,有ｄ響手度有ｄ響心口,總知一定有一兩撻油多左出黎,不過隻隻都位置不同.....有隻仲離譜,對眼係上下唔平衡的......原色版上線的美觀度係零...加上d唔知係污積的噴油真係難得一見...再加埋d上到出哂界的油...極品中的極品....
評分:F

手工：
保持了Takara一慣的作風,關節位極之求其,而且關節異常之鬆,令筆者大開眼界,筆者第一次見新玩具一開出黎未玩過都已經係好鬆的(見到對till till fing的腳筆者同個friend眼都突埋)!!
評分:F

配件: 
原色版的 matrix 上色差勁,完全無寶物的感覺,只覺得係街邊垃圾咁.....加上個斧頭又唔用透明膠,完全無武器feel....簡直好似玩泥沙咁!!!好彩支麥嘉登同本身支槍
都似番d樣....
評分:E

總括而言lee件野都係異常之差,係玩具界少見的水皮野,想買的朋友應該考慮下,唔買的朋友應該感謝主,買左的朋友就只有講句啊門..............TT

Written by：