ITEM Movie
Trans Scanning 柯柏文
發售日期: 2008年3月
產地: China
定價: 4200 yen


今次 review 有 d 難寫,因為 Trans-Scan 本身好難當 TF 咁玩,個感覺反而近似 Microman / 武裝神姬 / hcm-pro 之類的產品,所以如果本身都鐘意呢類細緻嘢的朋友應該會好啱屬性,反之...玩開大大件好好扭啱合金愛好者,最好有少少心理準備,要付出一定既耐性去玩佢。我個人本來就鐘意細粒嘢,所以好啱玩。整體感覺良好,造工非常精細精巧,膠色靚,亦無QC問題, 無合金部件,但砌好後都算重手 (事關件多)。


素體
素體本身活動能力好強,主力關節,尤其是腳部都非常夠力同實淨,唯一問題係腰部,單靠兩個 ball joint 基本上唔夠力承托背包既重量,導致 set pose 困難同需要支架幫助 (或者用背包兩支炮拉長頂住吧?) 個人覺得骨架應該用少量金屬,再改善一下腰部設計會更理想。另一不滿係可替換的手太少,只有平手同握武器手,玩法相對少左。


殞石模式
有點畫蛇添足既設計,變型後唔靚 (但實淨的)。人型亦勉勉強強,我覺得 Deluxe Class 好好多.....
唯一可取之處係可動性高....但相信無乜朋友會 display 成殞石模式吧?所以都唔多提了 (特別一提....遲下隻bee個殞石模式似乎係一模一樣的......./_\)。


地球 - 人型模式
先講一下組裝,大家可以放心,裝甲方面好實淨,完全唔會一邊玩一邊甩甲,唯一易甩位係肩甲,但主要都係因為背包碰甩,算係意料之外既好。先前覺得人形比例欠佳,玩上手後又唔太有呢種感覺,相信最大問題都係手臂太幼,頭偏大,還能接受的。下身比例非常好,腳部裝甲設計亦好好,完全唔影響活動能力。高跪姿都 ok,手臂因為裝甲裝起手背,正面睇會覺得手臂太幼,加上手背裝甲干涉持槍,有少少美中不足。
最大敗筆係背包,個人唔介意背包巨大,但非常介意背包干涉活動空間,頂住雙手、碰甩肩甲、過重令腰部唔夠力,再加上背包既支架太幼,根本唔 make sense。最大罪係兩支所謂大砲....雖然有非常勁既拉出設計,活動範圍大,但一樣難拎得好睇....所以...最好都係唔好裝背包,會好玩好多的!至於多出黎既背包....可以試試變 battle station,又或者拆晒變車既件出黎另外變一加車,都好玩過裝上身。

特別嗚謝THS-01借出拳頭同RM-01借出步槍


變形!!
我都唔知點講......意會吧


地球 - 貨車模式
變型過程唔算複雜,但好難變,因為素體能活動既關節太多了。要理解同 handle 都唔容易,要少許耐性。但出奇地變型後非常實淨,因為裝甲之間有好足既既對扣位,所以唔需要誓心架車甩甩離離。
車型好靚仔,加上電鍍車頭,個人十分滿意,最驚喜係車門可以開合!
 
車底亦好工整,誠意十足!
 
體積比 Voyager Class 細許多
 
總結:
之所以買呢盒 TS,主要係欣賞佢既造工同技術,論創意佢遠比唔上 ANIMATED 系列,本身並無任何破格既新概念,只係將已有既技術再組合昇華。但論生產造工,工程考慮等,都係 TAKARA TOMY 少數出色之作,日系玩具黎講已經係極佳既作品。值唔值得買就要視乎個人既玩具屬性了!

 




文 & 圖:


LU
LU
DIY比賽
冠軍得獎者
相關 Review:
Movie Optimus Prime Movie : Leader Class 柯柏文 Movie Brawl Movie : Brawl
Movie Ratchet Movie : 力捷 Movie Bonecrusher Movie : Bonecrusher
Movie Ironhide Movie : 鐵皮 Movie Wreckage Movie : Wreckage
Final Battle Jazz Movie : Final Battle Jazz Machine Wars Starscream Movie : 星星叫 (原型)
Movie Bumblebee Movie : Bumblebee G1 Starscream G1 : 星星叫
Protoform Optimus Prime Movie : Protoform 柯柏文    
Movie Arcee Movie : Arcee    


其他TF玩具目錄


Movie 玩具目錄


回主頁