名稱: Galvatron 格威龍
系列: 變形金剛G1 復刻版 D-77
種類: 變形 / 發聲 / 發光
質料: 全膠宴得極少金屬

上色: 舊版老格係用灰色主體做主色,深紫色手, 黑色面(一撻黑色阿水看到你咩樣.....)配答非常古怪同搞笑,完全係惡/奸唔出樣(看唔到點惡/奸法), 同原作卡通唔同色 實在令人好難買得落手 , 仲要叫要塞參謀 唔係破壞大帝真係看見都唔想買(大佬啊, 一代狂派首領咁"泱"樣 真係無眼看)。復刻版就看中呢樣野, 幫佢黎個大返身! 點返身? 先改左個PACKING,正左名先: D-77S "新"破壞大帝, 聽起黎順耳左幾多....再黎張佢原作化, 用紫色個做主體主色, 配合淺灰色的下身, 最緊要用返原作的灰色面, 不能不配服日本人的顏色配答, 加埋電鍍紅的腹肌同腳的膝頭比返d SHARP位佢, GALVATRON真係返左黎! 同舊版係完全唔同, 灰色面看到面相顴骨位, 眼位出返黎), 看得到個面相真係惡左好多、奸左好多、同型左好多 ! (筆者同老友阿車仲有羅希先生都好欣賞佢改色, 由其係佢下巴果"汁"死人鬚仔用深灰色, 非常之搞野, 好有古惑仔FEEL)

可動: 始終都係廿年前的產品, 可動性對於現有的技術黎講算係好差, 筆者早就覺得佢只能做係一碌木, 不過玩落又唔係咁計, 大脾上下兩個關節可 以前後活動, 腳踝可以活動, 膞頭可以前後同左右活動, 前臂可以上下扭動, 仲可以 轉腰, 可以擺到個向前衝的POST, 以當時黎講已經非常好 (雖然大 部份都係變形所需...夾硬當佢可動啦), 最衰係個頭完全唔轉得!

做型: 肥仔到飛起 (看看PACKING張圖..再看看隻野...唔怪得日本仔咩都有"盒面印的同之中件野有分別"的字眼...如果你唔係TF舊野的FANS 你可能 覺得自己比人呃左.....) 如果話合金魂舊鐵人28係水桶, 佢就係"郵筒"(名符其實上、中、下圍都係一樣的).... 除畫/電鍍上去的肌肉外, 佢係毫無線條可 言....但如果你好似筆者咁係舊TF迷, 咁你會覺得有味道, 先似一個TF機械人。不過當年的設計人員幫佢做左好多無咩謂的突出物(唔好心邪啊唔該), 好似兩邊膞頭好似鎧甲的兩舊野啦(完全唔知有咩用!), 對手後面D碌啦, 仲有支招牌大砲同皇冠都幫佢嬴返唔少分(起碼唔係真係圓得咁緊要)。

變形: 成隻野最差算係變形, 佢前世麥嘉登可以變支槍(真槍一樣,故事中仲要星星叫幫手開槍), 獨角獸改勁左佢就變左支砲 (定係槍?!),可以自己發射 (星星叫已經無用 所以就咁比人打爆)....不過支砲太CYBER FEEL, 似唔似砲/槍真係見人見智啦, 如果講變形呢...全G1計就一般啦, 計埋BEASTWAR 同新果d 就簡單得滯 (差唔多訓左響度就變左)....不過筆者覺得要就發聲同發光叫做幾可以下, 仲有係雖然佢係訓響度, 但都唔會好似GF隻巨大柯柏文咁, 變形就要比個"羅友"敵人踢....(老格個"羅友"轉左落下面 你踢唔到佢啊!!!)

好玩野: 發聲同發光啦, 5-定6種聲音,4種定3種人聲(可惜係日文,都唔知佢講咩!) , 1種TF獨家變形聲, 1種開砲聲。仲識1路講野對眼1路發光 ! 前後兩個制都可以控制發聲發光( 前面個制唔知係特登定點, 硬係要做係d重要位置, d設計人員係都要搞到果度突d野出黎先開心,真係).....後制響槍把手位加埋發光的頭頂真係可以當開槍玩。

配件: 配件有翻炒鍍金"色" MATRIX 一個 (THE MOVIE 中有帶過) 其實件野可以響新年文度搵到 (不過你搵到隻新年文先算啦, 今年文"百事文"就成街都有)...係唔同左色JACK, 變機械人時用的砲身同手的連接器一個 (變砲果陣請你拋左佢...因為無位插), 仲有一支唔係好"啦更"的槍....咁大碌砲響手仲洗用槍? 貼紙啊說明書啊新BIO咭啊 就係咁多多。

總結: 廿幾年前的產物, 以今日的設計技術看當然係差 但就當年我仲係細路計係相當好玩, 又屈得又發聲又發光, 好正, 係隻色唔得, 今時今日佢改返隻色, 以童年回憶黎計係非常正囉, 看真d其實佢身上有唔少機械雕花都好正、好DETAIL。舊野又唔靚又貴, 新野平又靚, 如果你細個MISS左呢次唔好再MISS。

文:Megatron
圖:Heero


格威龍簡介


回主頁