玩具格威龍多年來比人的印象係灰色石油氣罐一個，其走樣程度比 Season 1 一眾車仔甚至其前身 "麥加登" 更甚，身材走樣唔在講，連顏色都唔同哂，直頭好似係 Unofficial Product 一樣，真係有點兒那個....

自從復刻版 Predaking 開始，復刻版已經唔再係單純的復刻版，而是改良復刻版。復刻版 Predaking 集美日大成，變成有合金部件的 Boxset；Star Convoy 又將心口最顯眼的黃色十字改成電鍍金色，不過這些全都是錦上添花的玩意。復刻版格威龍的改動是將唔似格威龍的格威龍變番做一隻格威龍！格威龍不但由一個灰色石油氣罐變回一個香芋甜筒，而且重追加左新的聲效 (5種人物發聲) 及金屬製金色 matrix 一個，連面相也經過修飾，真正的格威龍玩具終於誕生了！

格威龍變形簡單，手腳活動能力比想像中高。在大炮形態昤，底部有小滾輪，可以滑行。玩具格威龍比設定多左一個手槍形態，追加呢個形態令件玩具更加好玩。因為發聲系統可以利用扳機啟動，拎上手玩時非常方便。格威龍的背部有一個類似開關的按鈕，用作選擇聲效，激光槍聲 <=> 人物發聲 <=> 變形聲。每當發聲裝置啟動時，格威龍的雙眼亦會同時發光，霸氣十足！